حوسة البنات إذا حضروا زواج هههههههه

لما تجيك دعوة الى حضور حفل زفاف لاحد الاشخاص

شوف الحريم كيف يعلنون حالة الطوارئ


تلقاهم صافين طابور عند باب الحمام ..

ياخذون دش بارد <<< لانهم مؤمنات بالقاعدة الفيزيائية

التي تقول : ان الاجسام تتقلص بفعل البرودة

*******************


ثم يتجهون لغرفة العمليات

فتحصلهم مايخلون مراية في حالها ..

*تلقى منيرة عند مراية التسريحة تتمكيج


*وخلود عند مراية الدولاب تركب عدساتها


*ورقية عند مراية المدخل حق البيت تستشور شعرها


* وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ


*ورغد تترجى اخوها : تكفى ود فستاني للمغسلة

وقول لهم يخلونه مستعجل


*وابتسام متوهقة مالقت الحلق اللي يناسب لون فستانها


*وشوق تقول لاخوها : تكفى مر على جارتنا

وخذ من عندها الاكسسوار التفاحي



*وهنوف .. انفرط سحاب فستانها .. وتبي الخياط يصلحه <<< والله من السمنة الزايدة

*****************


وصجة .. ولجة .. وحوسة ...

وكلهم في سباق مع الزمن ..


****************************** ******

بعد ذلك .. يركبون السيارة بعد ما بح صوت ابوهم

وهو يناديهم ..


والمصيبة اذا اخذوا مسافة بالسيارة وجتك فاطمة

تشهق شهقة قوية .. ووتقول نسيت شنطتي تكفى يبه رجعنا للبيت


********************


وبعد عناء طويل يصلون الى القصر ويدخلون


******************


ومن يوم يدخلون وتبدأ الطقاقة بقرع الطبول

تلقى الوحدة تهزّ .. وتهتز وهي لسّى مافكت عباتها,, هههه


**********************


ثم يتوافدون الى المسرح .. وشف الرقص كيف


** اللي تحط رجلها من شرق المسرح الى غربه

ولا احد يدري اش بلاها

**********

** واللي تهز وهي واقفة مكانها بركاااادة .. وعلى بالها أنوثة ..


******************


وتعال شفهم اذا غنت الطقاقة .. ( يالتاكسي )

وقالت : وخذ يمين و بعد يمين ..

تلقا الحريم فعلا ماخذين اللفة يمين في يمين

ومن غشامتهم .. يتصاقعون في بعض

************


والوحدة فيهم بتتشقق من الفرحه اذا جت الطقاقة بجنبها

وقالت : يا احمر يا احمر .. عاشو .. على قلبي

<< طبعا الافندية فستانها احمر ..

*****************


** وتلقا ثنتين هناك يرقصون نفس رقص العراقيات في عرب شمّر

وطبعا العجايز منصدمات .. ومافيه الا دعاوي على هالبنات


**************


** واذا جت اغنية مصرية ..

تلقا الاغنية والايقاع في وادي .. والرقص في واد آخر

الا من رحم الله ..

<< واللي تعرف ترقص مصري .. تلقى البنات يتشحتوها تقوم

وهي ترفض ..

طبعا من حقها .. تخاف يصكونها بعين على كيفك
***********


والوناسة اذا قالت الطقاقة : ( رقصة خاصة لاهل العروس )

تلقاهم يستلجون اذا قالت : ( كل آل " فلان " خيّالة )


<<< محد قدهم,,, عاشوا عاشوا ورا